/

За нас

Адвокатската канцеларија „Калица” со седиште во Битола, обезбедува врвни правни услуги од 2000 година. Основана од адвокатот Петар Георгиев Калица, нашата канцеларија има изградена репутација на извонредност во областа на граѓанското право. Во 2012 година, Александар Георгиев Калица се приклучи на канцеларијата, најпрво како стручен соработник, а потоа и како адвокат, продолжувајќи ја семејната традиција за обезбедување висококвалитетна правна помош. Нашата експертиза опфаќа повеќе правни области, вклучувајќи: Граѓанско право: Со посебен фокус на имотноправните односи, ги покриваме преносот на имот, сложени сопственичките спорови како и целокупната законската регулатива поврзана со имотните права. Корпоративно право: Им помагаме на компаниите во создавање, управување, усогласување со законската регулатива и решавање на спорови, обезбедувајќи дека нивните правни обврски се исполнети и нивните интереси се заштитени. Заштита на авторски права и интелектуална сопственост: Нудиме комплетни услуги за заштита на интелектуалната сопственост, вклучувајќи авторски права, патенти и трговски марки. Работни односи: Нашата пракса опфаќа и предмети од областа на трудовото право, каде што даваме совети за работни спорови и усогласеност со законите за работни односи. Кривично право: Застапуваме клиенти во кривични постапки, обезбедувајќи одбрана и застапување за заштита на нивните права во правните процеси. Технолошки регулативи и заштита на податоци: Во еден сè подигитализиран свет, им помагаме на компаниите да се усогласат со сложените закони за заштита на податоците и приватноста, како што се GDPR, HIPAA, CCPA и AI EU Act. Нудиме правни совети прилагодени за намалување на ризиците и осигурување на усогласеноста со овие регулативи. Ние се гордееме со нашата професионалност, флексибилност, навременост и доверливост. Нашата дејност ја остваруваме на целата територија на Република Северна Македонија и имаме долгогодишно искуство со работа со меѓународни клиенти надвор од границите на Македонија. Услугите ги нудиме на македонски и англиски јазик, а за други јазици соработуваме со овластени судски преведувачи. Во адвокатската канцеларија Калица, се стремиме да обезбедиме правни решенија кои се не само ефективни, туку и навремени и прилагодени на уникатните потреби на секој клиент.

Биографија

Адвокат Александар Георгиев - Калица

Дипломирал на правниот факултет ,,Јустинијан први” - Скопје. Постдипломските студии ги продолжува на истиот факултет на насоката ,,Граѓанско процесно и материјално право” каде во 2012 година се стекнува со звањето Магистер по право од областа на граѓанско материјално и процесно право. После завршување на студиите првото работно искуство го стекнува во нотарска канцеларија во Скопје. Големиот интерес кон адвокатурата, ќе биде причината да започне со работа во адвокатска канцеларија ,,Калица" во Битола во 2012 година, каде како приправник и стручен соработник работи се до почетокот на 2015 година, кога се запишува во именикот на адвокатите на Република Македонија. Се јавува и како еден од основачите на специјализираниот сајт за правни информации Правдико.мк, преку кој значително придонесува за достапноста на правните информации, како за правничката фела така и за пошироката јавност. Автор е на следните публикации: ,,Речник на правни поими" од 2016 година, ,,Речник на правни поими" - второ дополнето издание од 2017 година и на ,,Збирката на судски одлуки од примената на Законот за соспственост и други стварни права" од 2022 година.

Услуги

Нашата канцеларија нуди застапување на физички и правни лица пред судовите на РМ, институциите и други органи на управата, консултации ,совети и насоки за разни правни проблеми од сите области на правото.

СОПСТВЕНОСТ

  • Стекнување и заштита на правото на сопственост;
  • Делба на имот;
  • Утврдување на делoви во брачна и вонбрачна заедница;
  • Поврат на недвижен и подвижен имот;
  • Заштита од вознемирување на сопственоста;
  • Заштита на владението и заштита од смеќавање;
  • Утврдување и престанок на службености;
  • Заштита на правото во етажна сопственост;
  • Уредување на меѓи.

ОБЛИГАЦИОНО ПРАВО

  • Водење преговори и составување на секаков вид на договори;
  • Надомест на материјална и нематеријална штета;
  • Штета предизвикана од кривично дело;
  • Поништување и раскинување на договори;
  • Враќање на стекнувањето без основ;
  • Утврдување ништовност на договори;
  • Надоместа на штета од граѓанска одговорност за навреда и клевета;
  • Регулирање на должничко – доверителски односи.

СЕМЕЈНО И НАСЛЕДНО ПРАВО

  • Застапување во оставински постапки;
  • Советување при делба на наследство;
  • Утврдување дека определен имот влегува во оставината;
  • Оспорување својство на наследник;
  • Утврдување на наследен дел на скриени наследници;
  • Поништување на тестамент;
  • Составување на договори за дозживотна издршка и договори за отстапување на имот за време на живот;
  • Развод на брак и определување издршка на малолетни деца;
  • Намалување или зголемување на издршка;

ИТЕЛЕКТУАЛНА СОПСТВЕНОСТ

  • Заштита на авторското право;
  • Надомест на штета од повреда на авторските права;
  • Парични побарувања кои произлегуваат од авторски права;
  • Заштита од повреда на права од индустриска сопственост

УПРАВНО ПРАВО

  • Застапување во административни постапки;
  • Поведување управни спорови;
  • Управни спорови според Законот за катастар на недвижност
  • Постапки за експропријација и утврдување на доместок при експропријација.
  • Јавни набавки

КРИВИЧНО ПРАВО И ПРЕКРШОЦИ

  • Поведување кривична постапка;
  • Одбрана на обвинети лица;
  • Учество во сите стадиуми на кривична постапка;
  • Прекршочна постапка

Интернационални правни услуги

  • Усогласување со GDPR, CCPA, HIPPA и AI EU ACT
  • Прегледување, надградување и составување договори со странски елемент
  • Правни консултации и следење на промени во странски регулативи

Публикации и активности

Контакт

Секогаш достапни за правни консултации

Контакт
077/594-993
Адреса
Булевар 1-ви Мај бр. 202, Спрат 1, Канцеларија 10 Битола